اخر اخبار الانتقالات (1)
ارسنال ودافيد رايا :
استطاعت ارسنال بقياده ارتيتا اقناع حارس برينتفورد بالانضمام اليهم والاتفاق علي كل الشروط والراتب لكن امام ارسنال خطوه اخيره وهي اقناع برينتفورد بمبلغ الانتقال حيث اخر مبلغ قدمه ارسنال كان 32 مليون بحسب الصحف الانجليزيه ولم يتم رفضه الي الان لكن برينتفورد كانت تطالب ب 40 مليون لترك الحارس الاسباني ولكن صفقه الحارس ستتم قريبا وبنسبه 85% لرغبه الحارس الكبيره للانضمام للجانرز ورفضه لعروض مثل البايرن
مبابي وباريس كلاكيت عاشر مره :
رفض مبابي التجديد رسميا لصيف 25 وبالتالي اصبحت اخر سنه لمبابي مع باريس هي السنه المقبله بانتهاء الموسم القادم واصبحت اخبار ارتباط مبابي بعديد الانديه شيئ طبيعي ف منذ قديم الازل مبابي مرتبط بريال مدريد (تقريبا من اول ما اتولد بيريز وهو بيعشق سلاحف النينجا )عموما انضمت الكثير من الانديه للخط واصبحت العديد من الانديه مرتبطه بمبابي مثل ارسنال وليفربول وبالطبع الانديه السعوديه وبالاخص الهلال السعودي
رد كلوب علي ارتباط ناديه بمبابي:
رد كلوب كان مثل رد اي مشجع للكره عموما مش مجرد مشجع لليفر ضحك بشكل هيستيري (لانه حضرتك بقاله اسبوعين بيخلص في لافيا اللي مش مكمل 50 علي بعض ) ورد مستكملا بانه مش معترض اكيد لو حد جابله مبابي قدام باب النادي (رده هو نفس رد اي مشجع لليفر احب كلوب دا )
هويلاند والمان يونايتد :
يمكن القول ان شبيه هالاند (علشان الاوتو كوريكت لو لغبطني ف انتوا عارفين قصدي علي مين بقا) خلاص خلص مع اليونايتد واصبح لاعب رسمي لليونايتد وسيتم الاعلان عنه في الايام المقبله وتمت الصفقه بقيمه 70 مليون يورو ومده العقد لعام 28 مع خيار التمديد ل 29 (مستني ديربي المانشستر بفارغ الصبر مش بس علشان هالاند وشبيه لا علشان الاحب الي قلبي حفيظ دراجي )
امرابط واليونايتد:
بما اننا في جانب المان يونايتد فانتشرت اخر الاخبار ان امرابط صرح بقبوله اللعب لصالح اليونايتد واعطي الضوء الاخضر للفريق لتقديم عرض رسمي لضمه من فيورنتينا الايطالي وبنسبه كبيره قدوم امرابط هينتج عنه خروج فان دي بيك وفريد والاقرب للمغادره فريد لعدم حصوله فرصه للعب
كانسيلو وبرشلونه:
(بصراحه انا زهقت من برشلونه علشان حواراتها كترت ) لان كما تحدثنا عن ديمبلي فانه مغادر بنسبه 80% وبعد تصريحات تشافي للاعلام ان ديمبلي يريد المغادره فاصبح ديمبلي خارج حسابات برشلونه رسميا وبعد اتمام صفقه ديمبلي ارتبطت برشلونه بكانسيلو لقدرته علي اللعب في الكثير من المراكز منها ظهير ايمن وايسر وايضا جناح ويري تشافي بانه سيستطيع الاستفاده منه باكبر قدر ممكن ولكن بعد اتمام صفقه ديمبلي وباريس سان جيرمان
رأيي :
-اعقد ارسنال هيخلص في دافيد وبسرعه كمان لان رامسديل بقاله فتره مش في احسن مستوياته وبرضو علشان يزودوا عمق الفرقه اكيد (ملناش دعوه ببديل ساكا علشان التفكير في كدا بيعصب ارسنال وارتيتا تقريبا )
- مش هتكلم عن مبابي علشان زهقت بصراحه بس هو من امرين يا هيروح الريال السنه الجايه ببلاش او هيروح فرقه من الدوري الانجليزي السنادي لان باقي الاحتمالات صعبه جدا تحصل والريال بعد صفقه بيليمنجهام صعب يجيب لعيب فوق ال 150 مليون تاني
-كلوب دا حبيبي
- اعتقد هيبقي كويس بس مش لدرجه ينافس هالاند اكيد بس مش هيبقي صفقه فاشله اتمني يعني علشان حد يوقف العجل اللي مش بيقف دا
- امرابط هتبقي صفقه في الجون بجد لانه مفيش لاعيبه كتير في المركز دا غير كاسيميرو وبديله ماكتوميناي وكاسيميرو كمان سنتين مش هيبقي في التوب فورم بتاعته وصعب تعتمد علي بديله حاليا في هي صفقه ناجحه للكل في رأيي
-مش هتكلم عن برشلونه غير لما ديمبلي يتكل علي الله بقا واضمن ال 50 مليون دخلوا الخزنه علشان نعتمد كلامهم
-وزي ما بقول كل دا رأي شخصي قولي رأيك ايها الشخص الجميل بصوت الاسطي وقولي شايف ايه ممكن يحصل في كل صفقه 😂❤
Comments
Post a Comment